miércoles, 3 de octubre de 2012
Alain Touraine eta politikaren garrantzia: Giza Eskubideen Aldarrikapen Unibertsala
Atzokoan, Alain Touraine
soziologo frantsezaren hitzaldi batean egon nintzen, Bilboko Guggenheim
museoan, Zientzia Foroak antolatuta. Plazer bat izan zen jakituri eta
esperientziaz jantzitako gizon honi zuzenean entzutea. Aretoa, bereziki jende
gaztez, erabat betea. Etorkizunaren bermea.
Garbi utzi zuen arrisku globalei
aurrean printzipio eta eskubide etiko unibertsalekin bakarrik egin dezaiokegula
aurre. Giza birgaikuntzaren unea dela. Kolektiboa eta indibiduala uztartzeko
unea. Non emakumeak paper berezia izan behar duen, gizonaren arrakasta-galera
eskemaren aurrean, emakumeak hobeto ordezkatzen duen berintegrazioaren unea
baita. Eta hau, gizakiari zor zaion eskubideen aurrezagutzaren baitan. Horrela
esan zuen: “…el ser humano tiene el derecho de haber derechos”. Giza Eskubideen
Aldarrikapen Unibertsalaren alde irmo agertu beharra azaldu zuelarik. Honek
izan behar zuelarik, aurrisku globalen aurreko euste-pareta. Zentzu zabalean
politikaren unea zela azpimarratu zuen.
Europari buruz galdetzean,
batasunean areagotzearen alde egin zuen, goizean zehar egon nintzen beste lan
sasoi batean, hainbat adituk esan zutenarekin bat. Europaren etorkizuna,
Europaren batasunean dagoela alegia, moneta batasunaz gain, batasun
finantziero, bankario eta ekonomikoan. Azken batean batasun politikoan. Ekonomiaren
aurrean politikaren nagusitasunaren aldarrikapena nabarmendu zuten. Hauek ere
politikaren unea zela azpimarratu zuten. Bereziki, inspirazio demokrata
kristauko gizarte ekonomia abian jartzeko. Enpresen lehiakortasuna eta gizarte
kohesia moneta bakarraren aurpegi gisa alegia, inor bide bazterrean utzi gabe.
Hortxe dago gakoa eta etorkizuna.
Baita gaur goizean ere. Ideia
berdina erabili du Rafa Jimenez Asensio, irakasleak, kudeaketa publikoari buruz
LKS eta MUk antolatutako ihardunaldi batean. Politika indartu behar da,
publikoaren balorea barneratuz bereziki baloreetan eta pertsonetan inbertituz,
gaineratu du.
Politika, pertsonak, herrigintza…Hor
dago koxka. Pertsonetan. Gu baigara aktore transformatzaile nagusiak. Gu. Eta gu gara politikari beste
zentzu bat eman behar diogunak.
Zerbitzu publiko zentzua alegia. Erakargarri
eginez. Eta politikarako, arlo bakoitzeko talenturik onenak errekuperatuz. “Mediokraziarekin”
(erdipurdikeria) bukatuz. Atzo Jose Luis Larreak zioen moduan, Harkaitz Cano
idazleari jarraituz, arinkeria, mezu mesianiko eta esfortzurik gabeko irabazien
aurrean, sakontasuna, zehaztasuna eta jarraitasuna aldarrikatu (eta praktikatu)
behar ditugu.
Nekagarria izan arren, ñabarduran
baidago beti arrazoia (Jaungoikoa edo deabrua xehetasunean dauden moduan). Nahiz
eta Bertrand Rusellek zioenari jarraituz “El mundo está lleno de ignorantes
completamente seguros de todo e
inteligentes llenos de dudas”.
Bigarren hontako politikariak
behar ditugu. Argi! egi osoaren jabe sentitzen den horrekiko, hortik
sektarismora, talibanismora, urkoa ez
errespetatzera ez dago distantziarik. Gaurkoan, greba egin ez zuten gernikarren aurkako paskinak datozkit
burura. Non eta pakearen herrian desberdin pentsatzen duenarekiko
jazarpena. Tamalez, lehengo leopitik burua. Hauxe da bortxakeri ororen
su-harria edo hastapena. Guztiena. Eta Euskadin, hontaz, zoritxarrez bastante
dakigu.
Hortxe dago denetaz ziur uste den baboaren eta zalantzak dituen argiaren
arteko diferentzia. Zalantza da aurrera egiteko bidea. Zalantzak pentsatzeari
ematen baidio bidea. Eta pentsatzeak etorkizunari. Dogmak ez dezala inoiz bizimodu erreala
gailendu. Horretarako formula eraginkor bakarra, ikusmira zabalarekin, herritarrak entzun eta lana
egitea da. Lana, lana eta lana. Ankak lurrean ditugula, egitik, bihotza bero, burua hotz
eta oinez, beti aurrera.
Alain Tourainek, atzo zioen moduan, gizakiok eskubideak izateko eskubidea dugulako. Kolore batekoak zein
bestekoak. Guztiak. Danak baidira eskubideak. Eta guztiak errespetatzeak egiten gaitu duin. Gutako bakoitzak konpromezu hau hartzeak, konpromezu unibertsal hau hartzeak, konpromezu etiko hau hartzeak, giza eskubideen aldeko jarrera irmo hau hartzeak bakunatuko gaitu forma zahar zein berriko totalitarismo eta globalizazioaren aterpean gizakion arteko berdintasun zubiak eraikitzeko aukerei muzin eginez, gutxi batzuk askoren gainean jartzeko asmoa duten betiko jarrera arriskutsu hoiengandik. Hein handi batean gutako bakoitzaren esku dago. Gutxienez gure etxaldean.
Urriak 21ean dugu gauzak
aldatzeko aukera hurbila. Ez hutsegin! Gure eskubidea da! Ez utzi egikaritzeari!
Suscribirse a:
Enviar comentarios (Atom)
Ni ere bertan egon nintzen eta argi dago beti bezala, hitzalditik intetesatzen zaizuna baino ez duzula entzun edo agian ulertu? Ez zara ba horren prestatuta egongo...
ResponderEliminarAspaldi Euskal Herriko eskubideak ahaztuta dituzula, edo dituzuela, edo hauek ere ez dituzue modu unibertsalean ulertu nahi?
ai, ai, ai, praktikan jartzeko arazo gehiegi, tartean esklabu lan gehiegi bete dituzuelako agian?
Eskertzen dizut erantzun izana. Benetan. Nahiz eta zure lerroetan aurreiritzi askotxo somatu dudan. Bakoitzaren ulermen-gaitasun eta preparazioan sartu gabe - nik ez dut ezagutzen ez dudan baten balorazioa egiteko atrebentziarik- gauza bat du oso argi blogkide, elkarrekiko errespetutik eraikiko dugula aberria eta honek izan behar duela eskubide ororen aldarrikapenaren lurzorua. Non bai zuk eta bai nik lekua izan behar dugun. Horixe da, Giza Eskubideen Adierazpen Unibertsala aldeko hautua egitearen arrazoia. Bertan laburbiltzen baita zuk eta nik lurzoru berdina konpartitzeko dugun eskubidea. Nahiz eta berdin ez pentsatu. Ondo izan!
ResponderEliminar